تحت أمرك

على كثر الجروح الي بقلبي ماقدرت انساك وعلى كثر الالم يالي جرعته باقي انتظرك

تغيب وتبتعد عني وتجرح خافقٍ يهواك وذاك الحب يالي كان مالكني على خبرك

انا يا خلي ماتحمل اعيش بدنيتي لولاك ملكت الروح والوجدان وقلبي دون ما ادرك

لقيتك ساكن بقلبي وما عندي أحد يسواك لقيتك حلمي وشوقي وانفاسي شذا عطرك

ولكن يالغلا دربك لقيته ممتلي أشواك رغم هذا مشيته لك صعدت بسهلك ووعرك

تحملت العنا واللوم لجل بس اهتني برضاك لقيت أن الهوى ماله مكانه في قفص صدرك

ومع هذا حبيبي لو تحس بشوقي الي جاك عرفت ان مابهالدنيا احد مثلي عشق جمرك

عرفت اني احبك كثر ماعني الغرور الهاك عرفت اني ابد ما مل ولا اتناسى ابد ذكرك

ابيك بكل عيبٍ فيك وعمري لو تبي يفداك تعال وخذ حياتي والجنون الي عشق سحرك

تعال وشوف بعيونك خفوقي الي هوى دنياك تعال وبس يالغالي وانا كلي تحت أمرك 0