<<<<<< خذيني >>>>>> لــــ سعد علوش

خذيني ليا عجبتك بس رديني ** وإن ماعجبتك خلاص أخذيني ماأبيني

مادامني شفت فيك الطهر والعفه ** بعيف نفسي ليامنك كرهتيني

خذيني لو أعتبر من ضمن أشياءك ** وأنا بحبك ولا لازم تحبيني

لاأبي علاقه ولا أبي نظره وبسمه ** إحساسي إني بقربك بس يكفيني

لو إني أنضفت لاأشياءك غصب عنك ** طلي علي ياغناتي لاتخليني

تراني لاجا المصامد ماني بهين ** تقل كن العرب لعبها بيديني

شخصيتي من غرابتها وطيبتها ** كن الزمن في تحدي بينه وبيني

خذيني الشاعر اللي ماصدق حظه ** لاقلت ياحظ وينك قال ياويني

خذيني المبدع المتفلسف التحفه ** هموم وتلعب على العالم شياطيني

شهرة شكسبير وأفلاطون ونيوتن ** لاقلت لي بيت شعر تطيح من عيني

خذيني العنصر اللي صدق متعنصر ** من دون ربعي لو أقطع شراييني

وخذيني اللي ليا طلب يعطى ** وتكفين لامن طلبتك لاترديني

تكفين ياغايتي يابهجة الدنيا ** بحرق قلوب ناس ماتدانيني

خذيني بكل شوق وقولي أحبه ** وإن شككوا فيك أو فيني ضميني

قولي سعد إنه غالي جدا ** وياجعل فدوة شبابي وآخر سنيني

وأنا بصدق كلامك وأعتنز بالله ** وبقول للناس مايعنيك يعنيني

وأنا علي نذر ماأرخص جيتك ** وأنتي نذر على رقبتك إنك ماتخليني






(( خذيني ))
من ديوان خذيني للشاعر / سعد علوش