دهن الـعوود
مشرفة عامة
 عدد المساهمات : 2247
السٌّمعَة : 0
تاريخ التسجيل : 23/06/2009
الموقع : __يا حبكم للفضوول ؟؟!__ ما بقـول
 |  موضوع: همـوم بنات البحرين لا تـطوفكم,, 01/10/09, 06:47 pm | |
| همـوم البنــات
مثال ( 1 ) : قايمة البنية من الصبح ... او ما رقدت عدل طول الليل ... خايفة على شعرها يخترب ... سيدة حق التلفون الو فطوم ... حلمت انه حمود راح مادري وين او مادري شسوه او يحب مادري مين .......... الخ
مثال ( 2 ) : البنت 1 : تعالي رقدي بيتنا اليوم ..
البنت 2 : لا الليلة لازم اقعد اونلاين .. صار لي ليلتين ما قعدت !!!
مثال ( 3 ) : اقص شعري .. لا لا باطوله .. لا باقصه احسن .. لا باقطعه من جدام .. بس .. لا باهده هلون احسن .. بس الناس يقولون لي القصير احلى عليج .. امي تقولي طوليه احسن .. حبيبي ما يحب لا طويل و لا قصير .. في الوسط .. احسن شي باقرع !!!
مثال ( 4 ) : اوهو .. عبود شافني في العدلية .. الحين شبيقول عني .. ما تستحي على ويها .. او بيطلع عليي حجي .. او سمعتي بتطيح !!! ( او اهوه حتى ما شافها !!!!!!!! )
مثال ( 5 ) : السيارة العدلة في الكراج .. مافي الا الحزرة .. شاسوي ؟؟ مــــــامــــــا .. اخذي الحزرة او عطيني سيارتج !!
مثال ( 6 ) : بــــــــيــــــه .. ظفري انكسر .. شاسوي .. الحين لازم اقصهم كلهم .. لالالالالا .. اشبيقولون عني الاوادم .. ما عندها اظافر !!!
مثال ( 7 ) : النتايج باجر .. انشاء الله انجح .. انشاء الله معدلي يرتفع .. انا متاكدة بارسب في المحاسبة و الرياضيات .. و التسويق بعد .. او بينزل المعدل .. ( او تاخذ الشهادة .. ناجحة في كل المواد و المعدل مرتفع .. وسواااااااااااس !!! )
مثال ( 8 ) : وايد عندي شغل .. ما عندي وقت احك راسي .. بس لازم اروح الحين .. المكسي اللي وصيت قدور يسويه بيبرز اليوم !!!
مثال ( 9 ) : تمشي في السيف .. اكتشفت ان زرار واحد من قميصها طاح .. لالالالالالالالا .. ســــــيده الحمام .. دبووووس؟؟ مافي .. مشباص؟؟ .. مافي .. ما ينفع .. الحمدلله عندها شنطة .. تغطي فيها صوب الزرار ليما توصل لي السيارة ... ( لاحظو انه زرار واحد من قميص فيه الف زرار غير !!! )
مثال ( 10 ) : امبطله كبتها .. متروووووس ثياب .. شالبس ؟؟ .. ما عندي ثياب .. هاذي لابسته ذيج الاربعاء او هاذي شافوه عليي في الجامعة .. او ذي غسلته او قفظ .. بس مب طالعة !!!
مثال ( 11 ) : والله احنا يايين نخطب بنتكم حق ولدنا .. اتعرف تطبخ ؟؟ لالا !! تكوي ؟؟ لالا !! تنظف ؟؟ لالا !! تغسل ؟؟ لالا !! شتعرف عيل ؟؟ تبلع او ترقد ؟؟!! او لا تنسين الهياته !!!!!!!
مثال ( 12 ) : هلا عبور .. شلونج ؟؟ شخبارج ؟؟ ها مافي رنات يديدة ؟؟ مافي مسجات يديدة وصلت لج ذاك اليوم اللي طرشت لج فيه ؟؟ ( او هاذي سوالفهم !!! )
مثال ( 13 ) : ( في السيارة يدورون ) .. يله قولوا وين نروح .. فدز ؟؟ لا مال اول .. شيليز ؟؟ لا مافي صبيان وايد !! ستار بكس ؟؟ اييييييييي زحمة الحين !!!!!
مثال ( 14 ) : مريوم .. بتحضرين الصف اليوم ؟؟ انزين عيل اخذي ملاحظات لنا .. باطلع اتغدى ويا البنات !!!
مثال ( 15 ) : البنت 1 : ها نورو بتيين البركة باجر ؟؟
البنت 2 : مصخنة او راسي يدور او جبدي تلوع .. بس لازم ايي .. لازم اصير تان !!!
مثال ( 16 ) : البنت 1 : بتروحين عرس بيت العوضي ؟؟
البنت 2 : لا ماشتهي عرس مطاوعة .. باروح عرس بيت كانو .. اختلاط !!!!
مثال ( 17 ) : ( في جدحفص ) .. خاتوووون بتجين بيتنا اليوم ؟؟ اخوييه يحبش .. قايل لييا ان ما جبتين رفيقتش باضربش بالزنوبه!!!
تحيــاااتي ..
انتظر الـردور =) | |
|
أحلى شعور
المدير العام
 عدد المساهمات : 1250
السٌّمعَة : 3
تاريخ التسجيل : 18/06/2009
الموقع : هنااااااااك
| | موضوع: رد: همـوم بنات البحرين لا تـطوفكم,, 02/10/09, 01:19 am | |
| مثال ( 2 ) : البنت 1 : تعالي رقدي بيتنا اليوم ..
البنت 2 : لا الليلة لازم اقعد اونلاين .. صار لي ليلتين ما قعدت !!!
هههههههههههه
يحليلها ماشاء الله
يسلمووو | |
|
دهن الـعوود
مشرفة عامة
عدد المساهمات : 2247
السٌّمعَة : 0
تاريخ التسجيل : 23/06/2009
الموقع : __يا حبكم للفضوول ؟؟!__ ما بقـول
| | موضوع: رد: همـوم بنات البحرين لا تـطوفكم,, 02/10/09, 08:23 pm | |
| هع هع
تسلــم خـيوووو ع الطلهـ
نورت بمرورك ..~ | |
|
{ sĥĩòØò5h ~
مشرفة عامة
عدد المساهمات : 639
السٌّمعَة : 1
تاريخ التسجيل : 24/06/2009
| | موضوع: رد: همـوم بنات البحرين لا تـطوفكم,, 02/11/09, 08:08 pm | |
| صج هموووووم ...}  هههههههههههه...} يعطيج العآآفيه دهوون...} | |
|
