mr.seven مشرف
عدد المساهمات : 113 السٌّمعَة : 0 تاريخ التسجيل : 02/07/2009 الموقع : khalid_2664@hotmail.com
| موضوع: اشلون تصيدين لج معرس !!!!!!!!!, قبل لا يطوفكم القطار.. بلا حبيب بلا بطيخ 03/07/09, 12:32 pm | |
| اشلون تصيدين لج معرس !!!!!!!!!
هههههههههههههه ياني عالايميل وحبيت انقله لكم..
=كيف تصطادين المعرس دون اللجوء إلى الاساليب السقيمه من المغازلات والترقيم والتلميح الي ماله سنع والترزز بالاسواق.....إلخ
=أهم شي تعالي على العجوز الي تدور لولدها عروس ثم نفذي مايلي:
1_خلج مع امج ولاتروحين مع البنات صبري عنهم جم شهر لين تتم العملية.
2_امشي وانتي حاطه راسج بين كتوفج ولا ترفعينه ابد حتى لو عورج خلي الفكس دايما في متناول ايدج.
3_كلمه خاله خليها دايما على لسانج خاصة لام المعرس عشان تحس بنوع من التميز عن باقي العجايز.
#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر 'ون' تنجح مع نمبر 'تو' الاحتياط واجب وانا اختج. 4_اذا بدت امج تتكلم انغزيها بكوعج عشان تدخلج فالسالفة حتى لو مالج داعي تطبيقا للمثل <كثر الدق يفج اللحام>دارية المثل ماله داعي بس مالقيت غيره.
5_اخوانج الصغار لاحقيهم وطامري معهم وين مايروحون حتى لو ماهي عادتج بس تصرفي معهم كأنج امهم عشان العجوز تاخذ فكره انج حريصة على ذريتك .
6_كل ما اكلت امج من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.
7_اذا جيتي بتمدين ايدج توجعي وخلي امك تقول:قايلتلك وانا امج ماله داعي تنظفين جدران البيت الخارجية {اقول نظفي غرفتج اول الي تقولين ثايره فيها قنبلة ذرية}.
8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسج وايد اخاف تروحين فيها واصير قتلت نفس بغير حق}.
9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.
10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.
11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.
#مثال:تقول العجوز:بوش متقهوي عندنا البارح قوليلها:وليش ماعلمتينا ياخاله نجي نساعدكم؟!
12_في العروس اضغطي على نفسج واقضبي ارضج ولاترقصين واعتبري الرقص عيب وشق جيب
13_اذا يه طاري السوق وهو لازم اييي الطاري لانه ملح الجلسه عند الحريم خلي امج تقول:بناتي مايحبون يطلعون السوق ابوهم ايييب اغراضهم.
=الحين العجوز بتكون وقعت فالفخ.
نروح للمعرس الحين:
1_قعدي في بيت اهلج ولا تطلعين واذا جا المعرس بيشوفج خلي ابوج يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك إن تحط مكانها باسكال مشعلاني}
2_ قبل يجي اليوم الي بيشوفك فيه بحوالي اسبوع او اكثر{حسب شين الوجه} طامري من صالون لصالون صبغ تنظيف بشره..إلخ.
3_اذا يه المعرس خلي اخوج يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.
4_في نهاية المشهد خلي ابوج يقول:معليش وانا عمك ترى البنت شوي محيوسه{معليه يالشايب تنصب عالمسكين}.
وبهاللحظه الولد بينط على راس أبوج ويبوسه لين يشفط مخه ويقول متى العرس ياعم؟
{تحذير مهم} #ابتعدي عن امهات العيال المتعلمات راعيات الجنطه نفس لون الجوتي هذولا يبيلهم خطط بعيدة المدى. | |
|
دهن الـعوود مشرفة عامة
عدد المساهمات : 2247 السٌّمعَة : 0 تاريخ التسجيل : 23/06/2009 الموقع : __يا حبكم للفضوول ؟؟!__ ما بقـول
| موضوع: رد: اشلون تصيدين لج معرس !!!!!!!!!, قبل لا يطوفكم القطار.. بلا حبيب بلا بطيخ 03/07/09, 01:29 pm | |
| هههههههههههههههههههههههههههـ..
بنفكـر فـي الـمووضوع هع
يعطيـك العافيـه ...~ | |
|
مثايل مشرفة
عدد المساهمات : 740 السٌّمعَة : 0 تاريخ التسجيل : 21/06/2009 العمر : 33 الموقع : بيتنا
| موضوع: رد: اشلون تصيدين لج معرس !!!!!!!!!, قبل لا يطوفكم القطار.. بلا حبيب بلا بطيخ 05/07/09, 04:03 pm | |
| هههههههههههه
خطه جهنميه هههههههههههه
يسلوووووووو | |
|
mr.seven مشرف
عدد المساهمات : 113 السٌّمعَة : 0 تاريخ التسجيل : 02/07/2009 الموقع : khalid_2664@hotmail.com
| موضوع: رد: اشلون تصيدين لج معرس !!!!!!!!!, قبل لا يطوفكم القطار.. بلا حبيب بلا بطيخ 22/07/09, 03:30 am | |
| شلون بعد عندي افكار بس لا تسونها فيني ههههههههههه ثنكس ع المرور | |
|
آتعبهمـ غروري ".. قمر ذهبي
عدد المساهمات : 3812 السٌّمعَة : 0 تاريخ التسجيل : 18/06/2009 الموقع : خارج النطـآق ~..
| موضوع: رد: اشلون تصيدين لج معرس !!!!!!!!!, قبل لا يطوفكم القطار.. بلا حبيب بلا بطيخ 13/09/09, 08:59 am | |
| | |
|