إحســـاس غامــض على كرسي المرحـــ4ــلة

السلام عليكم و رحمه الله و بركاته

انتقل الى كرسي الاعتراف
احساس غامض
عن عمر ناهز الـ19 عاما
تقبل الاسئله على مدار اسبوع في هذا القسم
وللنساء الحق بالاسئلة الكثيره
ان لله و انا اليه لراجعون
سالين المولى لكم التوفيق في حياتكم ... إحســـاس غامــض على كرسي المرحـــ4ــلة Icon_farao

يسلموو فهود على احلى عزاء

هههههههههههههههههههههههه

ونتقبل جميع الاسئله ان شاء الله في حدود المعقول Very Happy

يلا كل واحد يحط سوال ولا يستحي :p

انطركم

ههههههههههههههههه افااا عليك حاضرين
كل عزااااا وانت طيب
ههههههه ومبروك عليك كرسي الاعتراف
وبمناسبة العيد انا باحط لك عقب 20 سؤال بس او اكثر مادري و الله

هلـا احساس غامض آشلونك !
اشمعنــي سؤال واحد ما يصير ، آونه عندي آكثر
بس اكيد ما راح احطهم مرة وحدة ، فراح يكونون بالدفع المريح

×××××××××××××××××××××

1. تجربة تتمنى تتكررها !
2. شخص ودك يكون جدام الحين !
3. اشهدفك في الحياة !
4. شي تخاف منه !
5. هل انت عصبي ! و اذا كنت عصبي شنو اكثر شي يعصبك !

6. عطرك المفضل !
7. اكلتك المفضلة !
8. مشروبك المفضل !
×××××××××××××××××××××

هذول كفاية لليوووم ..
و أنتظر منـي اكثر

1. تجربة تتمنى تتكررها !

ايام الثنوي (الا ليت الشباب يعود يوما فاخبره بما فعل المشيب) احلى ايام كانت

2. شخص ودك يكون جدام الحين !

إحســـاس غامــض على كرسي المرحـــ4ــلة Icon_mad

احلى شعور عشان اكله بقشوره بسبه طلعه اليوم

3. اشهدفك في الحياة !

الزوااااااااااج إحســـاس غامــض على كرسي المرحـــ4ــلة Icon_biggrin

4. شي تخاف منه !

ماخاف من شي بس ساعات تصير في اشياء ماعرف احددها

5. هل انت عصبي ! و اذا كنت عصبي شنو اكثر شي يعصبك !

اي عصبي، اذا اطلب شي ومايتنفذ

6. عطرك المفضل !

لوكست - بلاك اكس اس

7. اكلتك المفضلة !

ازيد شي احب اكل من هارديز سوبر ستار ومشروم اند سويس يميييي

8. مشروبك المفضل !

بوم بوم او عصير برتقال بالحبيبات

1. لو قالوا لك اطلب شي و راح نحققه لك الحين شنو تطلب !
2. هل تخاف من الموت !

3. لونك المفضل !
4. لو انسان غلط في حقك و كانت غلطته كبيرة مثلا " اهانك جدام ربعك " و جاء يوم يعتذر منك .. ايش راح تسوي !

5. هل انت من النوع اللي يسامح بسرعة !
6. كلمة آسف شنو تعني لك !

7. اوصف لي البحر !
8. هل فيه انسان كان له دور في تغيرك و تبديل بعض الصفات فيك

1. لو قالوا لك اطلب شي و راح نحققه لك الحين شنو تطلب !

مافي شي في بالي غير اني اتزوج :p

2. هل تخاف من الموت !

الموت حق ماله داعي اني اخاف بس اهم شي اكيد اني عملت لاخرتي

3. لونك المفضل !

الاحمر الغامج

4. لو انسان غلط في حقك و كانت غلطته كبيرة مثلا " اهانك جدام ربعك " و جاء يوم يعتذر منك .. ايش راح تسوي !

اسامحه بس بشرط انه يعتذر جدام نفس الشباب اللي اهاني جدامهم

5. هل انت من النوع اللي يسامح بسرعة !

مب في كل شي اسامح في اشياء مستحيل اني اسامح عليها

6. كلمة آسف شنو تعني لك !

اممم مادري شلون اوصفها بس اللي اعرفه ان الشخص اللي بيقوله اكيد عرف غلطته وحاب انه يرجع كل شي مثل ماكان

7. اوصف لي البحر !

هدوء - راحه واسترخاء - الصديق الذي لا يتكلم ان صح التعبير Smile

8. هل فيه انسان كان له دور في تغيرك و تبديل بعض الصفات فيك

اي، غيرت من اطباعي وايد الله يذكرها بالخير مثلا الهياته لي ويه الفير وقفت عنه التدخين وقفت عنه بعد وايد اشياء اعجز اذكرها

طبعا الدفعة الاولى هاذي ولي عودة شي اكيد

1 - ماهور شعورك وانت على الكرسي ..؟؟

2-كل انسان وله أمنيات وأمال ,, يا ريت تخبرنا عن الحلم اللي يراودك أو بالأحرى الأمنيه اللي تتمنها.. ؟؟

3 - -شو أصعب المواقف اللي مريت فيها ..؟؟

4 - يُقال " التعليم في الصغر , كـ النقش على الحجر " .. ماهو الشيء الذي تعلمته منذ صغرك..؟؟

5 - -ما هي حكمتك في الحياة ..؟؟

6 - من هو اقرب عضو لك ..؟؟

7 - عضو اذا دخل المنتدى تفرح؟

8 - وشو احلى قسم عندك .. احلى موضوع شفته ..؟؟

9 - ليه اخترت هالنك ..؟؟

10 -لو اعطوك وردتين وقالوا لك عطهم عضو وعضوه من تختآر..؟؟

11 - وشو الحلم الي لين الحين ماتحقق لين الحين.. ؟؟

12 -ماهي اجمل ذكرى لك من طفولتك..؟؟

13 -رتب الصفات من اكثرها تواجد بشخصيتك الى الاقل :

خفة الدم - العصبية - التسامح - الكآبة - الغرور - الهدوء - المزاجية - طيبة القلب - التواضع ..؟؟

14 - وش الآكلات اللي تحبهآ..؟؟

15 - من هو مثالك الآعلى بالحيآه ..؟؟

16 - احلى بيت شعر عندك ..؟؟

و هذه المرة الثالثة اللي آسأل فيهـآ ..

1. من هي الشخصية اللي تتمنى تلتقى فيهـا !
2. شنو تخصصك ! و كم سنة باقي لك !

3. هل حبيت في حياتك !
4. شنو نظرتك إلى الولد اللي يمشى و ماسك سيجارة بديه !

5. هل التدخين يعبر عن الرجولة ! و شنو اللي دفعك لتدخين !
6. تاريخ حلو في حياتك !

7. هل تربطك صلة قرابة مع احد الاعضاء ! و من هو !
8. متى تاريخ ميلادك !

9. انسان ودك تمحيه من حياتك !
10. لو قالوا لك تبدل تخصصك الى حقوق تبدله ! و اذا لا ليش !

11. تخصص ودك تدرسه غير عن تخصصك الحالي !
12. اوصف لي نفسك بـ 4 كلمات لا اكثر .. " بس 4 هـآآآآ " !

1- ماهور شعورك وانت على الكرسي ..؟؟

اممم لحد الان عادي بس الله يستر من باقي الاعضاء

2-كل انسان وله أمنيات وأمال ,, يا ريت تخبرنا عن الحلم اللي يراودك أو بالأحرى الأمنيه اللي تتمنها.. ؟؟

يمكن المرة الثالثه تسالوني هالسوال :p

امنيتي في الحياة اني اتزوج واييب عيال

3 - -شو أصعب المواقف اللي مريت فيها ..؟؟

تعرف شعور الواحد لما يعطي من غير مايقول لا ويوم يحتاج لو شي بسيط من اللي عطاهم يقولون له لا؟ هاي اصعب موقف وماقدرت اني استوعبه لان عمري ماقلت له لا

4 - يُقال " التعليم في الصغر , كـ النقش على الحجر " .. ماهو الشيء الذي تعلمته منذ صغرك..؟؟

تعلمت اني اكون بشوش في كل ظروفي وتعلمت اني ماطالع وراي عشان اصير اكبر من اللي انا عليه Smile

5 - -ما هي حكمتك في الحياة ..؟؟

(عيش ملك لو يوم) من جي كل يوم مستانس

6 - من هو اقرب عضو لك ..؟؟

احلى شعور

7 - عضو اذا دخل المنتدى تفرح؟

كل الاعضاء استانس لما اشوفهم يدخلون

8 - وشو احلى قسم عندك .. احلى موضوع شفته ..؟؟

التحاور الجاد

9 - ليه اخترت هالنك ..؟؟

مادري ليش بس حاولت اني ادور نك مالقيت غير ذي تقريبا على ايميلي

10 -لو اعطوك وردتين وقالوا لك عطهم عضو وعضوه من تختآر..؟؟

وحده حقك فهود والثانيه حق اتعبهم غروري

11 - وشو الحلم الي لين الحين ماتحقق لين الحين.. ؟؟

الزواااااااااااااااااج راح صوتي من كثر ماقلتها خخخخخخخخ

12 -ماهي اجمل ذكرى لك من طفولتك..؟؟

مب طفولة يمكن مراهقه عمي حب يلم شمل العايله من يديد فعزم كللللللل اهلنا اخوانه وخواته واعمامه وعيال اعمامه من كل مكان من السعوديه ومن قطر ومن الكويت ويوم صار الصج لقى ان مافي مكان فقال الرياييل يتمون مكانهم والحريم يروحون بيت عمي الثاني وعلى ان قسموهم بعد كان مافي مكان فكان موقف عائلي مضحك

13 -رتب الصفات من اكثرها تواجد بشخصيتك الى الاقل :

خفة الدم - العصبية - التسامح - الكآبة - الغرور - الهدوء - المزاجية - طيبة القلب - التواضع ..؟؟

التواضع-طيبه القلب-العصبيه-المزاجيه-الهدوء-خفه الدم-التسامح-الغرور-الكآبه

14 - وش الآكلات اللي تحبهآ..؟؟

اذا تقصد اكل البيت احب المجبوس اللي تسويه امي

15 - من هو مثالك الآعلى بالحيآه ..؟؟

امي الله يخليها لي ان شاء الله ويطول في عمرها

16 - احلى بيت شعر عندك ..؟

تزعل واراضيك واتلذذ بتزعيلك تبغي الصراحه انا مجنون زعلاتك

يسلمو فهود

مرحبــآ السـااااااااع
شحالك ؟؟
منور منور الكرسي ^^

عندي جم سؤال انشاء الله ما اثقل عليك

شو الامنيه الي تتمنينها ؟؟

موقف تتمنين انه يتكرر؟؟

شو اصعب موقف مريت فيه ؟؟

هل ندمت على شي بحياتك ؟؟ وشو هاي الشي؟؟

متى تنزل دمعه احساس غامض ؟؟

اذا كنت مضايق تحبي تفضفض لمن ؟؟

اي من الاعضاء :

مبدع :

هادئ :

نشيط :

محبوب :

غامض :

اول من تعرفت عليه بالمنتدى ؟؟

اخيرا احب اعرف رايك
بــ وردة الرووح
" بكل صراحه "

ويعطيك العافيه ^.^.

هلا وغلا

توه مانور الكرسي بوجودك الغلا

بما اني اكثر الاساله اعرفها

خلنا ندردش وياك باساله حلووه

من اقرب 3 اعضاء و3 عضوات لك؟؟؟

موقف حلوو ومضحك مر عليك؟؟؟؟

اهداف بالحياه بالترتيب؟؟

( لاتقولي زواج وبس قولي اقرب هدف لك واللي بعده واللي بعده )

أحساس غامض .. مشكور ع الوردة و آوونه حدي مستانسة
لكنك انسألت فووق الـ 50 سؤال و انت توك في البداية
يعني الجاي اكثر ههه ..

الله يخليك آخــوي و أخذ هذه الدفعة ..

1. من تختار عشان يمسح دمعتك !

2. اي اهم الصداقة لو الحب !

3. شنو كان تخصصك بالثانوية !

4. آممـ شي مميز في شكلك !

5. من العضو اللي ودك تتقرب منه اكثر !

6. حق من تشكي همومك اذا كنت متضايق !

7. كم عدد افراد عائلتك !

8. كم رقم بيتكم !

9. لما تعصب شسوي !

10. نوعية تلفونك !

1. من هي الشخصية اللي تتمنى تلتقى فيهـا !

ماقلتيلي من وين يعني من حياتي الشخصيه ولا من التلفزيون ولا من المنتدى ولا من وين

2. شنو تخصصك ! و كم سنة باقي لك !

الدبلوم التطبيقي (office management) باقي لي كورسين واخلص ان شاء الله

3. هل حبيت في حياتك !

اي، حبيت من قبل

4. شنو نظرتك إلى الولد اللي يمشى و ماسك سيجارة بديه !

متهور ومب عارف مستقبله

5. هل التدخين يعبر عن الرجولة ! و شنو اللي دفعك لتدخين !

اول مابديت فيها كنت احسبها رجولة، ويوم كبرت شوي صارت زينة، ويوم ادمنتها صارت دوا، ويوم قطعتها صارت سم

6. تاريخ حلو في حياتك !

ماتذكر تاريخ جم بالضبط بس شهر 6/2007 لاني تخرجت من الثنوي

7. هل تربطك صلة قرابة مع احد الاعضاء ! و من هو !

لا والله محد يقرب لي

8. متى تاريخ ميلادك !

7/10/1989

9. انسان ودك تمحيه من حياتك !

شخصيه غبيه ماعرف شلون تعرفت عليها بس كانت شخصيه واااااااااطيه

10. لو قالوا لك تبدل تخصصك الى حقوق تبدله ! و اذا لا ليش !

لا، لاني مب مال حفظ والحقوق اكثر شي حفظ

11. تخصص ودك تدرسه غير عن تخصصك الحالي !

اداره اعمال تقريبا نفس تخصصي الحالي بس اكيد اداره الاعمال احسن من الاداره المكتبيه

12. اوصف لي نفسك بـ 4 كلمات لا اكثر .. " بس 4 هـآآآآ " !

4 كلمات وايد شوي الله يهداج، باسويهم 4 جمل

انا:

عرفت الناس والدنيا وطريقي
وعرفت ان الهوى كذب واماني
خذاني الشوق والحب الحقيقي
لذاك اللي عقب وده جفاني

شو الامنيه الي تتمناها ؟؟

جاوبته فوق اكثر من مرة

موقف تتمنى انه يتكرر؟؟

مب موقف اتمنى كورس كامل يرجع وهو اول كورس لنا في الجامعه احلى كورس كان

شو اصعب موقف مريت فيه ؟؟

اصعب مواقف هالزمان يوم تجي نفس المكان
ويوم تودع من تحب وعينك تنادي بالحنان

صار فيني هالموقف من فتره قصيره

هل ندمت على شي بحياتك ؟؟ وشو هاي الشي؟؟

اي، ندمت اني ماكنت اسمع نصايح اللي اكبر مني حتى يوم جربت اني اضيع بس الله ستر

امي وابوي سووا اجتماع وياي والحمدالله فهمت الاجتماع لانه كان نصايح يتعلق بمستقبلي والحمدالله

متى تنزل دمعه احساس غامض ؟؟

مانزلت مني دمعه الا يوم توفى عمي الله يرحمه لسببين

السبب الاول ان كان اعز عم عندي

والسبب الثاني لان قبل لا يتوفى كان في المستشفى وكل مرة اقول باروح له باجر انشغل ويوم عزمت اروح له توفى يعني توفى وماشفته

اذا كنت مضايق تحب تفضفض لمن ؟؟

صديقي الصدوق اكيد بس مب في المنتدى ويانا

اي من الاعضاء :

مبدع : فهود سبايكي

هادئ : دهن العود

نشيط : اتعبهم غروري

محبوب : كل الاعضاء محبوبين

غامض : انا Smile

اول من تعرفت عليه بالمنتدى ؟؟

كريهوو

اخيرا احب اعرف رايك
بــ وردة الرووح
" بكل صراحه "

من ورده الرووح؟ ماعرفها

من اقرب 3 اعضاء و3 عضوات لك؟؟؟

الاعضاء: احلى شعور-جريح المحبه-وفهود سبايكي ان شاء الله نتعرف عليه عما قريب إحســـاس غامــض على كرسي المرحـــ4ــلة Icon_smile

العضوات:مافي الا كريهو اللي اعرفها

موقف حلوو ومضحك مر عليك؟؟؟؟

تذكر سالفه عذاري :p بس مابقوله في المنتدى

اهداف بالحياه بالترتيب؟؟

( لاتقولي زواج وبس قولي اقرب هدف لك واللي بعده واللي بعده )

انزين

اكمل دراستي الجامعه واذا قدرت اني اكمل حق البكالريوس بكمل بعدها اشتغل وابني روحي بعدين اتزوج

إحســـاس غامــض على كرسي المرحـــ4ــلة Icon_biggrin

1. من تختار عشان يمسح دمعتك !

انا ما اصيح بس لو صار الموضوع اكيد ابي حبيبتي اهي اللي تمسح دمعتي

2. اي اهم الصداقة لو الحب !

الحب

لان باجر راح اتزوج الشخص اللي احبه واهي اللي بتتحمل فيني وبتحطني في عيونه غير ذي ام عيالي اهي في النهايه بتصير

بس صديقي باجر بيتزوج وبينشغل في زوجته وعياله

3. شنو كان تخصصك بالثانوية !

تجاري

4. آممـ شي مميز في شكلك !

ناس وايد قالولي ان ابتسامتي حلوة

5. من العضو اللي ودك تتقرب منه اكثر !

منج

6. حق من تشكي همومك اذا كنت متضايق !

صديقي الصدوق جاوبت عليه هالسوال فديتج

7. كم عدد افراد عائلتك !

امي وابوي و2 صبيان و2 بنات

يعني كلنا 6

8. كم رقم بيتكم !

176815 بس الباقي بروحج خمنيه نفس شوجي :p

9. لما تعصب شسوي !

اطلع من المكان اللي خلاني اعصب

10. نوعية تلفونك !

نوكيا وجريب باخذ لي سوني ان شاء الله هديه من الوالد إحســـاس غامــض على كرسي المرحـــ4ــلة Icon_smile

اقتباس :: 1. من هي الشخصية اللي تتمنى تلتقى فيهـا !

ماقلتيلي من وين يعني من حياتي الشخصيه ولا من التلفزيون ولا من المنتدى ولا من وين

شخصية من حياتك !

اقتباس :: 5. من العضو اللي ودك تتقرب منه اكثر !

منج

مشكور

اقتباس :: 8. كم رقم بيتكم !

176815 بس الباقي بروحج خمنيه نفس شوجي

بـوووه اونه ما قصدت رقم التلفون .. قصدت الرقم اللي بره العنوان يعني هههه

*. ترتيبك في آسرتك !

*. عبارات اهديهـا احد من الاعضاء :

1- الله يخليك لنا :

2- بصراحــة فقدنـاك :

3 - أنـــت فنـان :

4 - أتـابع كل- مواضيعـك وردودك :

5 - آسف كـان زعلتـك بدون علـم مني :

6 - تفاجئني دائما :

7- قليــل من كـان في طيبتـك وهدوئك :

8 - أحبـك في الله :

9 - يفتخـر المنتدى بأمثـالك :

10 - خفـة دمـك غير طبيعيـة :

11 - دمت لنا مبدعاً :

12 - أيها الحاضر الغائب :

13 - تمتلك الكثير .... فأرنا بعضا منه :

14 - معرفتك تزيدني فخرا :

1. من هي الشخصية اللي تتمنى تلتقى فيهـا !
في شخص تعرفت عليه من احد المنتديات السابقه

فصار صديقي يعني وحاب اني اشوفه

مب لازم اقول عنوان بيتنا :p

*. ترتيبك في آسرتك !

2

*. عبارات اهديهـا احد من الاعضاء :

1- الله يخليك لنا : احلى شعور

2- بصراحــة فقدنـاك : جريح المحبه

3 - أنـــت فنـان : -

4 - أتـابع كل- مواضيعـك وردودك : اتبعهم غروري والحنان كله

5 - آسف كـان زعلتـك بدون علـم مني : اتعبهم غروري ع ذاك الموضوع Smile

6 - تفاجئني دائما : فهود سبايكي

7- قليــل من كـان في طيبتـك وهدوئك : دهن العود

8 - أحبـك في الله : -

9 - يفتخـر المنتدى بأمثـالك : كل الاعضاء من غير منازع

10 - خفـة دمـك غير طبيعيـة : اميره بكلمتي

11 - دمت لنا مبدعاً : كلكم

12 - أيها الحاضر الغائب : شيوخ

13 - تمتلك الكثير .... فأرنا بعضا منه : -

14 - معرفتك تزيدني فخرا : كلكم

اقتباس :: 1. من هي الشخصية اللي تتمنى تلتقى فيهـا !
في شخص تعرفت عليه من احد المنتديات السابقه

فصار صديقي يعني وحاب اني اشوفه

مب لازم اقول عنوان بيتنا :p

ابي بس رقم البيت .. لان ادري انت وين ساكن
يلا انت ع كرسي الاعتراف

و بالنسبة لذيج السالفة ترى انسى ما صار و آونه ما زعلت صدقني
و اعتقد الحين انت شبعت من آسئلتـي
فأخذ بريك لا تنتقم مني بعدين

موقف شعرت فيه بالخوف ؟؟؟

اوصف لنا هالموقف ( اذا تذكرته )

موقف شعرت فيه بالخوف ؟؟؟

اوصف لنا هالموقف ( اذا تذكرته )

افا يا احلى شعور احد ينسى هالموقف

قبل سنتين كنت انا واحلى شعور وجريح المحبه سهرانين مع بعض

واللي مشغل اغاني واللي قاعد يترقص واللي قاعد عالنت

مرة وحده والا سمعنا صوت الباب مال البلكونه ينطق بقوة

كلنا سكتنا وكل واحد مب عارف شيقول

فتحنا باب البلكونه ماكان في احد نزلنا تحت وماكان في احد يطق الباب

قلنا يمكن يتروالنا ولا شي المهم

قعدنا نكمل سوالفنا

الا صوت البلكونه بس هالمرة بالقوة

من سمعنا الصوت كل واحد لم اغراضه وكل واحد رايح بيته

ويوم صار اليوم الثاني طلع صوت الايسي والايسي خراب كان

خخخخخخخخخخخخخخخخخخخخخخ

لا تقول لي نسيت احلى شعور

سووري احساس غامض غلط السؤاال

قصدي اعرف رايك
بــ دهن العود
" بكل صراحه "

هههههههههههه

اياااااااااام

للحين مانسيت الموقف؟؟

بس ترى طلع مب صوت الايسي

مادري شنو اكيد شيء ثاني

لانه شكلك ماتتذكر

صكينا الايسي والصوت للحين نفسه

هههههههههه

( اكيد اللي خبري خبرك )

بس للحين اتذكر شكل عيونك يوم تقولي مب انا
هههههههههههههههههه

هههههههههههههههه..~

يحليلكم والله, خلاص انه عرفت الي خبري خبرك ههههههه لا اله هو احساس غامض..~

احساس لا تستانس ع روحك احين برجعلك بسأله Embarassed

لاتقولي مكرره هههه...~

امه بنسبه لغايب حاظر مدري حاظر بس غآيب, خبرك مشاغل الدنياا هههه لا اذا رجعت بلادي ع قلبكم بقعد لين ماتقلولي بس لوعتي جبدناا ...~ Embarassed

بآكـ آقيين Rolling Eyes

..
::

~ جم عمرك ؟

تدرس في الجامعه وله تدرس وتشتغل ؟<<ياربي ع الفضول Wink

~

شنو يعني لك ..<قمر البحرين ~

~ من اجرب عضو لك ؟

~ من اجرب عضوه لك ؟

~ في اعضاء ودك تلعن خير ابو من يابهم في قلبك حره عليهم؟

~ من اهمه ؟

~~

عضو او عضوه ~>

تحب مواضيعهم ؟!

تحب ردودهم ؟!

تحس ان المنتدى من غيرهم ولا شي ؟

<<انت
في آي سكوول كنت تدرس ؟؟

شنو تخصصك في الثنويه ؟؟

شنو تتمنا تصيرين في المستقبل يعني كشخصيه اجتماعيه؟؟<<اشك اذا فهمت سؤالي لأني اوردي انه مو فاهمته ههه Embarassed

شنو نآوي تشتغل لمآ آتخلص الجآمعه؟؟

وين آتحب ترووح تومج ؟؟

شنو شعورك لمآ حطووك ع كرسي الاعترآف ؟؟

آي حررف تحب ؟؟ ( بالانجـ )

هل آنت رآضي عن حيآتك ؟؟

وين تحب تسآفر ؟؟

اممم لو قالوللك حدد مكان تم قاعده فيه لمدت شهرين ماتطلع منه مع وجود كل ماتمناه من وسائل ترفيهيه؟!

آي آكثر آسم تحب من البنات والصبيآن ناوي تسمي به عيالك ؟؟

اخيرا شو رايكج فيتي كعضوة وكأنسانه ع طبيعتي؟؟<<فديتني انه والله Razz

طبعاً آسفين طولنا عليك وو سلامتك..~

:

افاااااا احلى شعور

احد ينسى هالموقف

هاي اذا صرت شيبه بااقول حق احفادي القصه بس طبعا لازم اسوي روحي البطل

اللي راح البلكونه بروحه واحنا كلنا كنا ميودين بعض من الخوف خخخخخخخخخخخخخ

واذا عن عيني يوم اقول لك لاا مب بس كنت خايف الا كنت ميت من الخوف

دهن الـعوود كتب:: سووري احساس غامض غلط السؤاال

قصدي اعرف رايك
بــ دهن العود
" بكل صراحه "

مسموحه دهن العود

واذا عن رايي

صراحه من غير مجامله

اللي عرفته فيج انج انسانه طيبه وقلبج ابيض

وتحبين تساعدين الناس ولا تقولين لا

فيج طيبه تحسدج الناسا عليها

وتحبين تضحكين في ويه الكل

الحياوية والبشاشه من طباعج

~ جم عمرك ؟

19 وشهر 10 باصير 20 يعني برزوا لي هديه من الحين لا تقولين لي ماقلت لج :p

تدرس في الجامعه وله تدرس وتشتغل ؟<<ياربي ع الفضول ~

ادرس بس، انا هلون ومب ملحق الا اشتغل بعد Smile

شنو يعني لك ..<قمر البحرين ~

البيت الثاني

اقضي كل اوقات فراغي فيه

~ من اجرب عضو لك ؟

احلى شعور

~ من اجرب عضوه لك ؟

من العضوات ما اعرف الا كريهوو

~ في اعضاء ودك تلعن خير ابو من يابهم في قلبك حره عليهم؟

~ من اهمه ؟

لا والله شالعداوة ذي خخخخخخخخخخخخخخخخخخخ

~~

عضو او عضوه ~>

تحب مواضيعهم ؟!

اميره بكلمتي

تحب ردودهم ؟!

اتعبهم غروري ردودها فيها مناقشااات

تحس ان المنتدى من غيرهم ولا شي ؟

والله كلكم من غيركم المنتدى ولا شي

<<انت
في آي سكوول كنت تدرس ؟؟

الشيخ عيسى بن علي التجاريه

شنو تخصصك في الثنويه ؟؟

تجاري

شنو تتمنا تصير في المستقبل يعني كشخصيه اجتماعيه؟؟<<اشك اذا فهمت سؤالي لأني اوردي انه مو فاهمته ههه

ابي اصير مثل نيوتن اشوف اشياء غبيه اتصير واحللها واصير مشهور بعدين

شنو نآوي تشتغل لمآ آتخلص الجآمعه؟؟

الجيش Smile

وين آتحب ترووح تومج ؟؟

مافهمت هالسؤال

شنو شعورك لمآ حطووك ع كرسي الاعترآف ؟؟

كنت كوول بس قمت اخاف

آي حررف تحب ؟؟ ( بالانجـ )

F و A

هل آنت رآضي عن حيآتك ؟؟

الحمدالله

وين تحب تسآفر ؟؟

خاطري اروح اندونيسيا

اممم لو قالولك حدد مكان تم قاعد فيه لمدت شهرين ماتطلع منه مع وجود كل ماتمناه من وسائل ترفيهيه؟!

حتى لو خرابه بوافق دام ان كل شي ااتمناه فيه خخخخخخخخخخخخخخخخخ

آي آكثر آسم تحب من البنات والصبيآن ناوي تسمي به عيالك ؟؟

يوسف-فجر

احب هالاسامي

اخيرا شو رايكج فيتي كعضوة وكأنسانه ع طبيعتي؟؟<<فديتني انه والله

رديت عليج فووق

طبعاً آسفين طولنا عليك وو سلامتك..~

لا لا عادي شدعوه

هههههه الهديه خلاص تم Razz

...}

بس تره مي تووو شهر 10 عيد ملادي انه بعد ابي هديه Rolling Eyes

...}

اممم بنسبه لسؤال الي مافهمته يعني يا طويل العمر مكاان تحب تروحه وآآآيد؟! Razz

...}

امه لنك تصير مثل نيوتن الصراحه حطمني ردك ههههههههه.....}

واذيتنا ع الزوآج ياالله الله يوفققك وتخلص دراستك وتعرس ويصرون عندك اعيال هههههه.....}

دهوون

تره باتزوجج يوزي عني

خخخخخخخخخخخخخخخخخخخخخخ

هههههه

احساس غامض

فيه عضوه اسمها دهن العود

وثانيه شيخووو
2 يسالونك

افتر راسك من الاساله يمكن

ههه حتى اونه اقرأ قبل لا اوصل الى رد احلى شعور
اقوول اشفيه احساس غامض صرب الفيوز عنده

يعني هلوون يا احساس غامض انت ما جاوبت ع سؤال شيخة بالنسبة لرأيك فيها
انت جاوبت ع دهن العوود

انزين أونه بفكر لك بأسئلة بعد ههه ..

و هذه الآسئلــة " بس بليز لا تنتقم منــي " ههه

1. شنو هي المواقع اللي تتردد عليها لما تفتح النت !

2. شنو هي مواصفات فتاة احلامك !

3. شنو الشي اللي ما تتمنه في فتاة احلامك !

4. تفضل البنت السمرة و لا البيضة !

5. احلى لون عيون عندك !

6. اي احلى البنت الطوويلة و لا القصيرة ! يعني القزمة هه

7. شنو خاطرك تسوي فيني من كثر آسئلتي !

دهوووووووووووون

حبيبه قلبي

سووووري ماقصدج عبالي انتي اللي تعلقين على حلمي

باتزوج شيووخ خلاص بدون مهر بعد باخذها

هههههههههههههههههههه

وبقولج رايي شيوخ بس صبري خلا نوقع على العقد عشان لا تغيرين رايج فيني

1. شنو هي المواقع اللي تتردد عليها لما تفتح النت !

قوقل ادور اغاني اسمعها

2. شنو هي مواصفات فتاة احلامك !

حلوة ضعيفه اقصر مني سمرة فاتحه عيونها وساع

3. شنو الشي اللي ما تتمنه في فتاة احلامك !

تحبني لدرجه الجنوووووووووووووووووون

4. تفضل البنت السمرة و لا البيضة !

السمره الفاتحه

5. احلى لون عيون عندك !

سود او بنيين

6. اي احلى البنت الطوويلة و لا القصيرة ! يعني القزمة هه

لا لا الوسط

7. شنو خاطرك تسوي فيني من كثر آسئلتي !

باذخرها لج بس صبري انتي

الله يوفقك ان شاء الله
و آنتظر منـي اسئلة جديدة
و ترى ما افتكيت مني ادخل هالوصلة
https://bh-mooon.yoo7.com/montada-f11/topic-t1044.htm#13001

ههههههههههههه...} Wink

لا لا ماايصير انه لحين مافكرت...} Rolling Eyes

وبعدين انه مآآقبل بوآآحد خاطبني يقول حق وحده ثانيه حبيبت قلبي آخلك مره Suspect

..}

آتعبهمـ غروري ".. كتب:: الله يوفقك ان شاء الله
و آنتظر منـي اسئلة جديدة
و ترى ما افتكيت مني ادخل هالوصلة
https://bh-mooon.yoo7.com/montada-f11/topic-t1044.htm#13001

تم الرد

{ sĥĩòØò5h ~ كتب:: وبعدين انه مآآقبل بوآآحد خاطبني يقول حق وحده ثانيه حبيبت قلبي آخلك مره ..}

يييييييييييييييييييييييييه

انا إحسااااااااااااااااااااااس

والخطا مني مسموووووووح Smile

شيوخ يه الدور اللي باقولج رايي فيج

بس لا تزعلين اوكي :p

شيوخ

انتي شمعه المنتدى وشمعه القروب

من غير سوالفج من غير طلاتج الحلوة احسهم بيكونون مب شي

دمج خفيف وتحبين الغشمرة واحس انج حاطه اكس عالزعل

اسلوبج حلو كلامج حلو واكيد انتي الاحلى Smile

يه انا بزعل

ههههههههه

ماقلت لي رايك فيني ؟؟

متـى اخر يوم بيكون لك ع الكرسي عشان اجهز لك اسئلة اكثر ..

1. شنو شعورك و بكره جامعة !

2. ايهم افضل جامعة المدينة و لا صخير !

3. شي ودك تسويه بكره في الجامعة !

4. حلم لا تستطيع تحقيقه !

5. لو تم تعينك وزير لآحدى الوازات ، فأي وزارة راح تختار و ليش !

6. كلمة تحب تسمعها كل يوم !

7. عندك " القمر - النجوم - الشمس " من فيهم افضل !

8. شنو هواياتك !

9. اكلة ما تقدر تقاومها !

أحلى شعور كتب:: يه انا بزعل

ههههههههه

ماقلت لي رايك فيني ؟؟

مايحتاج تزعل احلى شعور

الكلمات كلها ماتوفي قدرك

اخاف اقول شي واقصر في حقك

متـى اخر يوم بيكون لك ع الكرسي عشان اجهز لك اسئلة اكثر ..

بعد بكره اخر يوم

1. شنو شعورك و بكره جامعة !

حدي مستانس اكا قاعد عالسرير واكتب لج الرد

2. ايهم افضل جامعة المدينة و لا صخير !

المدينه لانها جريبه منا والجامعه صغيره وكل مانبي احد نلاقيه بس الحين مانلاقي اللي نبيهم صدفه لازم نتصل :p

3. شي ودك تسويه بكره في الجامعة !

احضر كل المحاظرات باجر ههههههههههههه

4. حلم لا تستطيع تحقيقه !

خليها مستورة

5. لو تم تعينك وزير لآحدى الوازات ، فأي وزارة راح تختار و ليش !

وزارة التجارة والصناعه وباسوي شركات الدنيا والدين عشان لحد يقول مافي اشغال ههههههههههه

6. كلمة تحب تسمعها كل يوم !

اخب لما اقول حق امي صباح الخير ترد علي وتقول صباح النور والورد

7. عندك " القمر - النجوم - الشمس " من فيهم افضل !

القمر

8. شنو هواياتك !

ماعندي شي محدد بس احب اطالع مباريات تقدرين تقولين اطالع مباريات Very Happy

9. اكلة ما تقدر تقاومها !

كل شي اسمه اكل ماقدر اقاومه

جاء وقت الانتقام الحيــــــــــــن ،،

الحين انت شنيت حرب علـي و آونه بردها لك ، و لا تقول تعبت و انت تجاوب ..

1. لو كانت مدير حق منتدى شنو راح تسميه !

2. ابيك تختار 6 اعضاء من منتدى قمر البحرين و تبدل آسمائهم ع ذوقك !

3. احلى برج عندك !

4. اختار 3 اعضاء و ارمز لها بأي صفة !

5. قط حصلت بينك و بين احد الاعضاء مشكلة !

6. من العضو اللي جذبك اسمه !

7. من العضوة اللي جذبك اسمها !

8. احلى توقيع في المنتدى بالنسبة لك !

9. " عادي لو ما ذكرت اسماء " عضو و عضوة ودك تطلبين منهم طلب ؟؟ ايش هو هذا الطلب ؟؟

10. لو قررت الحين تروح رحلة من تأخذ معاك مسموح لك بأثنين بس !

11. مين من الأعضاء تحس قريب لتفكيرك ؟

12. لو عندك علبة الوان .. طلب منك تختار لون واحد .. اي لون راح تختار و شنو راح تكتب فيه !

13. لو قالوا لك بكره زواجك .. و عليك تختار مكان تسافر له و انت و زوجتك .. وين تختار !

14. شنو اكثر اسمك ينادونك فيه ربعك !

بس خلاص عورني قلبي

ههههههههههههه..}

شكراً شكراً Embarassed

اخجلت توآضعي الصراحه Embarassed

من ذوقك احسآآس مآآتقصر.....} Smile

1. لو كانت مدير حق منتدى شنو راح تسميه !

باسميه منتديات أحاسيس

2. ابيك تختار 6 اعضاء من منتدى قمر البحرين و تبدل آسمائهم ع ذوقك !

المشكله اني ماعرف حق روحي شلون اعرف حق غيري Razz

3. احلى برج عندك !

الميزان لانه برجي

4. اختار 3 اعضاء و ارمز لها بأي صفة !

مااااااااااااعرف

5. قط حصلت بينك و بين احد الاعضاء مشكلة !

لا والحمدالله وان شاء الله ماتصير مشكله

6. من العضو اللي جذبك اسمه !

احلى شعور حلو نكه

7. من العضوة اللي جذبك اسمها !

اميرة بكلمتي فيها هيبه بس بدلته

8. احلى توقيع في المنتدى بالنسبة لك !

اتعبهم غروري الكلمات اللي فيه وايد حلو

9. " عادي لو ما ذكرت اسماء " عضو و عضوة ودك تطلبين منهم طلب ؟؟ ايش هو هذا الطلب ؟؟

احلى شعور واقوله سو الاقتراح صدقني مابتندم

10. لو قررت الحين تروح رحلة من تأخذ معاك مسموح لك بأثنين بس !

احلى شعور وفهود سبايكي

11. مين من الأعضاء تحس قريب لتفكيرك ؟

مادري والله بس اللي يحس ان قريب من تفكيري خلا يقول Razz

12. لو عندك علبة الوان .. طلب منك تختار لون واحد .. اي لون راح تختار و شنو راح تكتب فيه !

اللون الاحمر

أكذب حبيبي لو نسيت
حبـك انـا منـه ارتـويــت
بعدك انا عمري سراب بعدك حياتي في عذاب ضايع في هالدنيا غريب
عـذبني بعـدك والغيـاب ارجـع ولا كلمه عتـاب ارجـع لي يا اغلى حبيب
ياروحـي بعدك لا يطول عمـري تره بعدك ذبـول الدنيـا في عيني سواد
كل شي فيني يصرخ يقول احبك وصبـري ملـول تعال وبس يكفي عناد

13. لو قالوا لك بكره زواجك .. و عليك تختار مكان تسافر له و انت و زوجتك .. وين تختار !

اندونيسيا خاطري اشوفها الصراحه

14. شنو اكثر اسمك ينادونك فيه ربعك !

في ناس ينادوني محمد وفي ناس ينادوني حمود وفي ناس ماتناديني باسمي تناديني بلقبنا بوقيس

حبيب قلبي طبعا مشكور على الردود الحلوة و البسيطه منك
تعبناك ويانه على الكرسي ... مكانك كان حلوو بينه ، وسطنه ، ، معانه
تواجدك كان مستمر ، شغوف ، حلوو ، خفيف على قلوبنه
تعبناك ، وهقناك ، اذيناك بالاسئله
عرفنه عنك اشياء و تغاضينه طبعا عن اشياء بس طلتك كانت حلووه و تفاعلو الاعضاء معاك وايد
اشكرك مره ثانيه ويعطيك الف عافيه و راح نصك الكرسي .....
ختاما تسلمون كلكم على المرور و الاسئله الحلوه منكم

» بين كرسي و طاولة ..
» كرسي الإعتراف....
» قوانين وشروط كرسي الاعتراف
» فهود سبايكي على كرسي الاعتراف << و السبب الحواج