حياكم يا جامعييين

هلا والله سيس

عجبني موضوعج وايد وراح احط اول رد لي في هالموضوع

اممم اول شي باقولج وين ادرس عشان تعذريني على المواقف اللي بتسمعينها

ادرس بجامعه البحرين كليه العلوم التطبيقية وتخصصي Office Management

واظن ان الكل عارف ان كليه التطبيقي كانت في جامعه مدينه عيسى

والجامعه ذي مبانيها مخربطه فوق حدر

اول موقف صادني اني ضيعت المبنى اللي ابيه

وانا استحي اكلم اي بنت ماعرفها

بس المشكله مافي حواليني شباب كله بنات

واروح اسالها وين المبنى دلتني وماقصرت ولي يومكم اذا اشوفها استحي

لاني ماكنت على بعضي متردد وخايف يعني شكلي كان يضحك

وثاني موقف

اني يوم دشيت السكشن عبالي ان الدكاتره يتحجون عربي نفس ماكانوا يسوون قبل

حتى مدرسين الانجليزي كانوا يفهمونا بالعربي

انصدمت يوم شفت ان كل شي مكتوب بالانجليزي

حتى كنت يالس بروحي اخر شي وانا قاعد اضحك على رداة حظي

عاد كنت اضحك بروحي وبسكات

ويصيدني الدكتور يقول لي شفيك تضحك بروحك

وكل اللي في السكشن افتروا يطالعوني وقاموا يضحكون علي لان مافي احد يمي وقاعد اضحك

قالوا اشكره مينون ذي هههههههههههههههه

والموقف الثالث

ان مره في رمضان اطالع الجدول الا اشوف الوقت مخلص

والدكتور كان يسأل ومحد رافع يده قمت انا رفعتها وقلتله

((Time is over))

طالع ساعته الدكتور وطالع الاوراق اللي عنده الا باقي ربع ساعه

قالي تعال رحت له الا يراويني التواقيت مال رمضان

وشنو احراااااااااااااااااااااااااااااااااج يقول لي بعدين اذا تبي تقعد في السكشن اقعد

اذا مب عاجبتك المحاظره تقدر تطلع

عاد انا شيلسني عقب هالاحراج ههههههههههههه

طلعت ركيض وما اتذكر اني دشيت محاظره في نفس اليوم لان كل اللي وياي في هالسكشن

وياي في كل السكاشن الباقيه

بس الحمدالله الحين صرت احب الانجليزي عشان ما اتحلطم

وماقمت استحي من البنات وايد اذا اطلب منهم شي بالدراسه

واهم شي اني ماقمت ارفع يدي عشان اتحلطم عالوقت قمت ارفعها عشان اشارك :p

هاي المواقف اللي صادتني اول الايام

وان شاء الله باقي الاعضاء بعد يقولون لنا انطباعهم وشلون رده فعلهم في اول يوم في الجامعه

مواقفك حلوة اخـــوووي ..

اول شي اونه تخصصي حقوق و الكورس الاول كنت اورنيشن ..

المهم ان اول شهر صادف رمضان و بحكم حالة صحية اضطريت اني اروح في مواصلات خاصة

لما دخلنا الجامعة راعي الباص قال لي انتي في اي مبني

اونه اعرف المبني بس لما يت اقول لها نسيت اشلون اقول 20 بالانجليزي

و نسيت هل الحرف S و لا C .. بس الحمد لله انقذتني البنت اللي وياي ..

دخلت المبني و خبركم اول يوم كان زحمة واايد ..

وايد صبيان عند الباب يعني اجراح ..

دخلت المنتدى و اتصلت في صديقتي و قال لي اركبي الدرج و لفي بعدين يسار ..

لعلم بس " اونه ما احب اركب درج و لا اعرف اركب درج " ..

الحين اونه امشي ع الدرج و خايفة اطيح

ما وصلت فوق اللي فيه كراسي و كلهم صبيان ويهي صار العاب نارية

نزلت راسي و مشيت في نفس الطريق اللي قالته لي صديقتي ..

وصلت و سملت عليهم و كل شي الا اقول لهم وين السكشن ، قال لي هذا بس الدكتورة من

جينه و هي داخل للحين ما طلعت ، و ما ندري وين دكتورنا ..

اوونه شكيت في السالفة و قلت لهم شكلها هذه دكتورتنا و انتوا وافقين بره

احد يدق الباب و يسألها ..

ههه الدكتورة كانت كندية يعني انجليزية يعني من الشاطر و الشجاع اللي بيسأل ..

بعدين سألتها بنت و طلع سكشنا و الكل قام يضحك ..

هذا بالنسبة حق مواقف اول يوم من الاورنتيشن .. بس فيه مواقف اول يوم من الحقوق