أبي ابكي من الضيقة وبعزف للهمـوم ألحـان ..,,

زائر

أبي ابكي من الضيقة وبعزف للهمـوم ألحـان

أبي أطلق مواويل الحـزن واطـرح دواوينـي

أبي أشكي أبي احكي أبوصف للبشـر حرمـان

أبيهم كلهـم يـدرون أبيهـم يشعـروا فينـي

أبي لا من طرى اسمي بكى من لوعتي شيبـان

أبي لامن طرى"عاشق" ذكر من كـان يغلينـي

أبيهم يذكرون أنـي بدمعـي صرت غرقـان

أبيهـم يعرفـون الهـم هوّ اللـي يخاويـنـي

أبي أصرخ وأبلغهم وأقول أن الفـرح خـوّان

يجي مرة معاي و هو بطـول العمـر ناسينـي

أبي اترك لهم قصة وأخيّرهـم علـى العنـوان

يسمّوا "حزن "يحطوا "دمع"أنا ما عـاد يعنينـي

أبي لامن وصل صوتي يحس بضيقتي إنسـان

أبي لامن نزف جرحي لقيـت اللـي يداوينـي

أبي شخص يجي يمـي و يقفـل للعنـا بيبـان

أبيه يكون لي خـلٍ علـى حزنـي يواسينـي

أبيه لمركبي مرسى وأبيـه لغربتـي أوطـان

أبي لامن ذرفـت الدمـع لينـه لـي يعزّينـي

أنا ما أبيه يصبح ضلع أبيه يكون لـي ضلعـان

أبي لا من مشيت وطحت حط يديه في يدينـي

إلامن خانني التعبير أبيـه يكـون لـي لسـان

أبي لامن سكتْ ألقاه .يفهم مـن نظـر عينـي

أبي لا من تعبت وضقت لمّ الروح بالأحضـان

أبيه يكون لـي كتـاب إذا ضاعـت عناوينـي

أبي أعشق وأبي أغـرم وببنـي للهوى بنيـان

أبيه يكون مبنى ضخم ويسكـن فيـه مغلينـي

أبي واحد ويسكن بي وبطرد لأجلـه السكّـان

أبي يسكن وسط قلبـي وعمـره مـا يخلينـي

أبي أشعل شموع الحب وبأعطي من الغلا بستان

أبـي أهديـه باقـة ورد ..مسقيهـا شرايينـي

ابداااااااع يعطيك الف عافيه و صح السانك يالحبيب

زائر

فهود سبايكي

ربي يسلمك .. شاكر لك مرورك

الأبداع تواصلك الراقي

تحياتي

يسلموو الغلا ع الكلمات الراقيه والمتميزه
وسلمت انامل يدك على النقل
ويعطيك ربي الف عافيه
لاتحرمنا من جديدك
تقبل مروري
تحياتي لكـ

تسلمين ع ـالقصيدة الحزينة ..
و فيه من ما يبي يبكي !!..
مشكورة مرة ثانية

تسلم غلااي ع القصيده الذووق..~

ربي يعطيك الف عاافيــــه

وعسااك دووم ع القوه..~

لااهنت..